وەزارەتی ناوخۆ: لە ماوەی ساڵێکدا دەست بەسەر ٣٠٠ کیلۆگرام ماددەی هۆشبەردا گیراوە

پەیامی کورد... وەزارەتی ناوخۆ: لە ماوەی ساڵێکدا دەست بەسەر ٣٠٠ کیلۆگرام ماددەی هۆشبەردا گیراوە

بەڕێوەبەرایەتی گشتی کۆنترۆڵکردنی ماددە هۆشبەرەکان لە وەزارەتی ناوخۆ ڕاگەیاند، لە ماوەی (٨) مانگدا دەست بەسەر (٣٠٠) کیلۆگرام ماددەی هۆشبەر و (١٤) ملیۆن حەبدا گیراوە.

ئەمڕۆ یەکشەممە ٤ ی ئەیلوولی ٢٠٢٢ ڕائید بیلال سوبحی بەڕێوەبەری ڕاگەیاندنی بەڕێوەبەرایەتی گشتی کۆنترۆڵکردنی ماددە هۆشبەرەکان لە وەزارەتی ناوخۆ ڕاگەیاند: ئۆپەراسیۆنەکانمان بەردەوامن بۆ شەڕکردن و ڕاوەدوونانی بازرگانانی ماددە هۆشبەرەکان، بەو پێیەی لە ماوەی مانگی ڕابردوودا زیاتر لە هەزار و ٣٥٠ تۆمەتبار دەستگیرکراون.

باسی لەوەش کرد، کۆی گشتی ژمارەکە لە ماوەی هەشت مانگی ڕابردوودا بووەتە ١١ هەزار تۆمەتبار بە بازرگانیکردن و بەرزکردنەوە و خراپ بەکارهێنان، ئەمە جگە لە دەست بەسەر نزیکەی ٣٠٠ کیلۆگرام مادەی هۆشبەر و زیاتر لە ١٤ ملیۆن حەبی کپتاگۆن و مادەی دەروونی.

هەروەها ئەوەشی خستەڕوو، شەڕێکی جددی لەلایەن بەڕێوەبەرایەت و تەواوی خزمەتگوزارییە ئەمنییەکان هەیە بۆ بەرەنگاربوونەوەی بازرگانانی مادەی هۆشبەر و جەختیشی کردەوە: کە هاووڵاتییان ڕۆڵێکی گەورەیان هەیە لە هەڵوەشاندنەوەی زۆرێک لە تۆڕەکان بە پەیوەندیکردن بە هێڵی گەرمی بێبەرامبەری بەڕێوەبەرایەتی ژمارە ١٧٨ کە لە سەرجەم پارێزگاکان کار دەکات لە عێراق.