روسیا لە رێککەوتنی هەناردەکردنی دانەوێڵە کشایەوە

پەیامی کورد... روسیا لە رێککەوتنی هەناردەکردنی دانەوێڵە کشایەوە


ئەمڕۆ دووشەممە، حکومەتی روسیا کشانەوەی خۆی لە رێککەوتنی هەناردەکردنی دانەوێڵە لە رێگای دەریای رەشەوە لەگەل ئۆکرانیا راگەیاند و بەو هۆیەشەوە، نرخى گەنم لە بازاڕەکانى جیهان لە ٦% بەرزبووەوە.


وەزارەتی دەرەوەی روسیا لە راگەیەندراوێکدا ئاماژەی بەوەکرد، پێشتر ئاگاداريیان داوە بە تورکیا و ئەمەریکا لە کاتی جێبەجێ نەکردنی داواکاریەکانیان لە رێککەوتنەکە دەکشێنەوە.


بەهۆى بڕیارەکەى روسیاوە، نرخى گەنم لە بازاڕەکانى جیهان لە ٦% بەرزبووەوە و نرخى تۆنێک گەنم گەیشتە ٢٥٥ دۆلار.


ئەوە لە کاتێکدایە بەگوێرەی ئاماری نەتەوە یەگرتوەکان و وەزارەتی کشتوکاڵی ئۆکرانیا لەو ماوەیەی کە رێکەوتن لە نێوان ئۆکرانیا و روسیا کراوە لە مانگی ئابی ٢٠٢٢، تاكو مانگی حوزەیرانی ٢٠٢٣، ئۆکرانیا ٥٠,٦ ملیۆن تۆن دانەوێڵەی هەناردەی بازاڕەکانی جیهان کردووە کە بەهای کۆی گشتی نۆ ملیار و ٨٠٠ ملیۆن دۆلار بووە.