چاووش ئۆغلۆ لە قسەکانی خۆی پاشگەز دەبێتەوە

وەزیری دەرەوەی تورکیا ڕایگەیاند کە سەبارەت بە ئەسەد یان پشت گرتنی قسەیەکم نەکردووە.

بە پێی ڕاپۆرتێک لە ئاناتۆلی، مەولود چاووش ئۆغڵۆ، وەزیری دەرەوەی تورکیا ڕایگەیاند: من هیچ قسەیەکم سەبارەت بە ئەسەد نەکردووە کە هاوکاری بکەین یا خود پشتی بگرین.

هەروەها ڕایگەیاند : ئێمە هیچ کات نەماوتووە و ناشڵێین کە پشتگیری کارەکانی بەشار ئەسەد دەکەین. من لە ووڵامی ئەم پرسیارە کە ئەگەر ئەسەد هەڵبژێردرێت هاوکاری دەکەن، وتوومە کە گەر هەڵبژاردنێکی دیموکراتیک بکرێت و ئەسد هەڵبژێردرێت ئەوە ئەم بابەتە لێک دەدەینەوە. ئەمە بە مانای پشتگیری یا هاوکاری کردنی ئەسەد نییە.

ئەمە لە حاڵێک دایە بە پیی ڕاپۆرتێکی دیکە کە سپۆنتیک ڕایگەیاند: ئەگەر ئەسەد لە هەڵبژاردنێکی دیموکراتیک دا سەر کەوێت، هاوکاری کردنی دەخەنە بەرچاو.

ئەو سەبارەت بە گرووپی گولەن ووتی: لێکۆڵینەوەی " FBI "  لە ۱٥ ئەیالەتی ئەمریکا لەم گرووپە دەستی پێ کردووە و درێژەشی دەبێت.

شایانی باسە کە دوای کودەتاکەی ساڵی ۲۰۱٦ ئەنکەرە بە دەیان جار داوای ڕادەست کردنەوەی گولەنی کردووە بەڵام ئەمریکا ڕەتی کردووەتەوە.