بەرپرسێکی هەماهەنگی مەزارگەی ئیمام موسای کازم لە تاران تێرۆر کرا

پەیامی کورد     ...   بەرپرسێکی هەماهەنگی مەزارگەی ئیمام موسای کازم لە تاران تێرۆر کرا

ژمارەیەک چەکداری نەناسراو لەناو تارانی پایتەخت تەقەیان لە بەرپرسی هەماهەنگی مەزارگەی ئیمام موسای کازم کرد و بەهۆیەوە کوژرا.

بە پێی هەواڵ و زانیارییەکان نیوەڕۆی ئەمڕۆ یەکشەممە بەرپرسی هەماهەنگی مەزارگەی ئیمام موسای کازم لەناو تاران ی پایتەخت لەلایەن ژمارەیەک چەکداری نەناسراوەوە تەقەی لێکراو و بەهۆیەوە کوژرا.

لەوبارەیەوە، سەرچاوەیەک بۆ ئاژانسەکەی ئاشکراکردوە، ئەو بەرپرسە ئاسەواری سێ گوللە بەجەستەیەوە بوە.
ئەوەش ئاشکراکراوە، کردەوەکە لەبەردەم ماڵی خۆیان لەشەقامی شەریعەتی لەباکووری تارانی پایتەخت روویداوە.

تائێستا هیچ لایەن و گرووپێک بەرپرسیاریەتی خۆی لەکردەوەکە رانەگەیاندوە و دەزگا ئەمنییەکانی ئێرانیش دەستگیرکردنی هیچ کەسێکیان لەسەر ئەو کەیسە رانەگەیاندوە.