زیاتر لە ٢٥ میلیۆن تووشبووی کۆرۆنا لە جیهاندا چاک بوونەتەوە

پەیامی کورد ... زیاتر لە ٢٥ میلیۆن تووشبووی کۆرۆنا لە جیهاندا چاک بوونەتەوە

لە سەرانسەری جیهاندا ژمارەی ئەو توشبوانەی لە ڤایرۆسی كۆرۆنای نوێ (COVID-19)، پاش وەرگرتنی چارەسەری پزیشكی چاكبونەتەوە، ٢٥ ملیۆنی تێپەڕاند.

بەپێی دوایین زانیارییەكانی ماڵپەری "Worldometer" سەبارەت بە ئامارەكانی توشبون بە ڤایرۆسی كۆرۆنا لە وڵات و هەرێمەكان، لە سەرانسەری جیهاندا ٢٥ ملیۆن و ١٤٨ هەزار و ٤٠٣ توشبوی كۆرۆنا بەسەر نەخۆشییەكەدا سەركەوتون.

ریزبەندیی ئەو پێنج وڵاتەی كە زۆرترین توشبوی كۆرۆنا تیایاندا چاكبونەتەوە، بەمشێوەیەیە: لە هیندستان (پێنج ملیۆن و ١٨٧ هەزار و ٨٢٥)، لە ئەمریكا (چوار ملیۆن و ٦٤٨ هەزار و ٦٨٣)، لە بەڕازیل (چوار ملیۆن و ١٣٥ هەزار و ٨٨)، لە روسیا (٩٢٥ هەزار و ٣٩٩) و لە كۆڵۆمبیا (٧٣٤ هەزار و ١٥٤) توشبوی ڤایرۆسی كۆرۆنای نوێ چاكبونەتەوە و نەخۆشخانەیان جێهێشتوە.