خۆکۆژی لە ڕۆژهەڵاتی کوردستان ڕۆژ لە دوای ڕۆژ لە پەرە سەندن دایە

 لە چەند ڕۆژی ڕابردوودا، سەربازێکی کورد بە ناوی "نەریمان  شەهبازی"، دانیشتووی گەڕەکی "شەریف ئاوا"ی تیکاب، لە بەندەر عەباس بە چەک تەقەی لە خۆی کردووە و کۆتایی بە ژیانی هێناوە.

بە ووتەی سەرچاوەیەکی ئاگادار، ئەو هاووڵاتییە لە یەکێک لە بنکە سەربازییەکانی شاری بەندەرعەباس سەرباز بووە و بەهۆی هەندێک کێشە و ناکۆکی لەگەڵ بەرپرسانی نیزامی و سەربازی بنکەکەوە، خۆی کوشتووە.

تەرمی ئەو سەربازە ئەمڕۆ سێشەممە ١١ی خەزەڵوەر بەرامبەر بە ٢ی نۆڤەمبەر ، لە زێدی خۆی ئەسپەردەی خاک کرا.

هەر لە بابەتێکی پەیوەندیدار، ڕۆژی دووشەممە ١ی نۆڤەمبەری ٢٠٢١، هاووڵاتییەک بە ناوی "پەریسا زەندی"، تەمەن ۲۳ ساڵ و خەڵکی سنە، بەهۆکاری ناڕوون کۆتایی بە ژیانی خۆی هێنا.

ئەو هاووڵاتییە خەڵکی شارەکی "حەسەن ناوا"ی سنەیە و لە ڕێگای خۆهەڵواسینەوە خۆی کوشتووە.

تەرمی پەریسا زەندی بۆ تەواوکردنی لێکۆڵینەوەکان ڕەوانەی پزیشکی یاسایی کراوە.