سەرۆک بارزانی پەیامێکی پیرۆزبایی ئاراستەی هەموو گەلی کورد و جیهان دەکات

پەیامی کورد   ...   سه‌رۆك بارزانی بە بۆنەی هاتنه‌وه‌ی مانگی ره‌مه‌زان، له‌ په‌یامێكدا پیرۆزبایی له‌ موسڵمانانی كوردستان و جیهان ده‌كات و ئەمەش دەقی په‌یامه‌كه‌یه‌:

بسم الله الرحمن الرحیم

(شهر رمضان الذی انزل فیه القرآن هدى للناس وبینات من الهدى و الفرقان)

 صدق الله العظیم

به‌ بۆنه‌ی هاتنه‌وه‌ی مانگی ره‌مه‌زانی پیرۆزه‌وه‌، گه‌رمترین پیرۆزبایی له‌ سه‌رجه‌م موسڵمانانی جیهان به‌ گشتی و كوردستان و عێراق به‌ تایبه‌تی ده‌كه‌م. هیوادارم هاتنه‌وه‌ی مانگی پڕ به‌ره‌كه‌ت و ره‌حمه‌تی ڕەمەزان ببێته‌ مایه‌ی خێر و خۆشی بۆ گه‌لی كوردستان و عێراق و هەموو مرۆڤایەتی و کۆتاییهاتنی تیرۆر و توندڕۆیی و بڵاوبوونەوەی ئاشتی و پێکەوەژیان و ئاسوودەیی بۆ هەموو مرۆڤایەتی.

مەسعوود بارزانی

٣٠ـی شەعبان ١٤٤٠ـی کۆچی

٥ ـی٥ـی٢٠١٩