ڕاگەیاندنی هاوپەیمانی هێزە سیاسییەکان لە کوردستانی ڕۆژهەڵات

پەیامی کورد   ...  ڕاگەیاندنی هاوپەیمانی هێزە سیاسییەکان لە کوردستانی ڕۆژهەڵات 

ئامانجی هاوپەیمانی هێزە سیاسییەکان لە کوردستانی ئێران، بەدەستهێنانی مافەکانی کوردە لە چوارچێوەی جوگرافیایەکی لامەرکەزی و دێموکراتیکی ئێران دا

ڕاگەیاندنی هاوپەیمانی هێزە سیاسییەکان لە کوردستانی ڕۆژهەڵات " ئێران " دا لەگەڵ شەپۆلێکی گەورەی پشتیوانی جەماوەری، بزووتنەوە سیاسییەکان و کەسایەتییەکان لە پەیوەندی لەگەڵ ئەم هاوپشتییە بەرەوڕوو بووەوە. لە لایەکی دیکەوە کۆماری ئیسلامی و ژمارەیەک لە هاوبیرەکانیان، بە بۆچوونی خۆیان، ئەم دەرفەتەیان قۆستەوە بۆ ئەوەی ئەم هاوپەیمانییە بە "جیاخوازی" ناوزەد بکەن و پشتیوانی خۆیان بۆی فراوانتر بکەن.

هەروەها ڕاگەیاندنی پشتیوانی و یەک دەنگی لە ئازەربایجان تا بەلووچستان، لە ئەهوازەوە بۆ تورکمەن سەحرا و گیلان بۆ هەڵوێستەکانی ئەم هاوپەیمانییە نیشانی دا کە سەردەمی کۆن و بەردەوام بە ناوی چەسپاندن بۆ سەرکوتکردنی داواکارییە ڕەوا و دیموکراسیەکان کۆتایی هاتووە.

وێڕای سوپاس و پێزانینی هەموو ئەو ئازیزانە کە پاڵپشتی ئەو هاوپەیمانی و هاوپشتییە بوون، جارێکی دیکە ڕایدەگەێنین کە ئەم هاوپەیمانییە بە دوای دابەش بوونی ئێران دا نەبووە و بە دوای دابەش بوونی ئێران دا نییە، بەڵکوو بە دوای بەدەستهێنانی مافەکانی گەلی کورد لە چوارچێوەی جوگرافیایەکی لامەرکەزی و دێموکراتیکی ئێران دایە.

هاوپەیمانی هێزە سیاسییەکانی کوردستانی ئێران

8ی ئێسفەند 1404 (27/2/2026)