سەرۆکی ھەرێمی کوردستان و وەزیری دەرەوەی ئێران دۆخى ناوچهكهیان تاوتوێ کرد
PeyamaKurd - سەرۆکی ھەرێمی کوردستان و وەزیری دەرەوەی ئێران دۆخى ناوچهكهیان تاوتوێ کرد
نێچیرڤان بارزانی، سەرۆکی ھەرێمی کوردستان، پەیوەندییەکی تەلەفۆنی لەگەڵ عەباس عێراقچی، وەزیری دەرەوەی کۆماری ئیسلامی ئێران ئەنجامدا و دۆخی ناوچەکەیان تاوتوێ کرد.
ئەمڕۆ ھەینی ٢٠٢٦/٤/٢٤، بەڕێزان نێچیرڤان بارزانی، سەرۆکی ھەرێمی کوردستان و عەباس عێراقچی، وەزیری دەرەوەی کۆماری ئیسلام ئێران، پەیوەندییەکی تەلەفۆنییان ئەنجام دا.
لە پەیوەندییەکەدا، ھەردوولا بیروڕایان دەربارەی دوایین پێشھاتەکانی دۆخی ناوچەکە گۆڕییەوە، ھەروەھا جەختیان لە گرینگی پاراستنی ئارامی و سەقامگیری و ھاتنەدی ئاشتی لە ناوچەکەدا کردەوە.
پەیوەندییەکانی کۆماری ئیسلامی ئێران لەگەڵ عێراق و ھەرێمی کوردستان و چەند پرسێکی جێی بایەخی ھەردوولا، تەوەرێکی دیکەی پەیوەندییە تەلەفۆنییەکەیان بوو.
هەواڵە گرنگەکان
هەواڵە پەیوەندیدارەکان
