کەللـەسەری ئەو ژنە نیاندەرتاڵەی لە ئەشکەوتی شانەدەر دۆزرایەوە، بڕیارە دوای تەواوبوونی پشکنینەکانی بگەڕێندرێتەوە هەرێمی کوردستان
شەش ساڵ لەمەوبەر، لە ئەشکەوتی شانەدەر کەللـەسەری ژنێکی نیاندەرتاڵ دۆزرایەوە، بەمەبەستی پشکنین و لێکۆڵینەوە ڕەوانەی بەریتانیا کرا چونکە لەوێ ئامێری پێشکەوتووی لێیە.
هاوکات بڕیارە ساڵێک دوای تەواوبوونی پشکنینەکان، کەللـەسەرەکە بگەڕێندرێتەوە هەرێمی کوردستان.
کەیفی مستەفا عەلی، بەڕێوەبەری گشتیی شوێنەواری هەرێمی کوردستان دەڵێت: بەپێی پشکنینەکانی زانکۆی کامبریج و لیڤەرپوول، 3% تاوەکو 5%ـی جیناتی کورد بۆ مرۆڤی نیاردەتاڵ دەگەڕێتەوە.