کچێکی تەمەن ٢٢ ساڵ بە تەقەی ڕاستەخۆی هێزە چەکدارەکانی ئێران گیانی لە دەستدا

• کچێکی تەمەن ٢٢ ساڵ بە تەقەی ڕاستەخۆی هێزە چەکدارەکانی ئێران گیانی لە دەستدا

ساغەر ئێعتێمادی تەمەن ٢٢ ساڵ، خەڵکی فارسان، بە تەقەی هێزە چەکدارەکانی ئێران لە ئاراستەی سەریەوە گیانی لە دەستدا

بەگوێرەی سەرچاوە خۆجەیی یەکان، ساغەر ئێعتێمادی، کچە لاوێکی بوێری تەمەن ٢٢ ساڵی خەڵکی فارسان، سەر بە پارێزگای چوارمەحاڵ و بەختیاری کە لە کاتی ڕاپەڕینی سەرتاسەری دا بەهۆی گوللەی ساچمەیی سەرکوتکەرانی ڕێژیمی ئێران ەوە بە سەختی سەری بریندار ببوو، دوێنێ شەممە ١٣ی بەفرانبار لە نەخۆشخانە گیانی لەدەست دا و چووە ڕیزی شەهیدانی ڕێگای ئازادی یەوە.

ساغەر ئێعتێمادی کە لە کاتی ناڕەزایەتییەکانی ئەم دوایی یەی چوارمەحاڵ و بەختیاری بە تەقینەوەی دەمانچە ڕاستەوخۆ بەر سەری کەوت، دوای مانەوەی ماوەیەکی کورت لە حاڵەتی ناجێگیردا لە نەخۆشخانە گیانی لەدەست دا.

ڕاپۆرتەکان ئاماژە بەوە دەکەن کە تەقەکردنەکە بۆ ناوچەی هەستیاری سەر کە زیانێکی چاک نەکراوەی مێشکی لێکەوتووەتەوە. گیان لەدەستدانی ئەم کچە تەمەن ٢٢ ساڵە لە کاتێک دایە کە کەش و هەوای شاری فارسان بەهۆی ناڕەزایەتییە بەردەوامەکانی چەند هەفتەی ڕابردوو وەوە کاریگەری لەسەر بووە. تا کاتی ئامادەکردنی ئەم هەواڵە هیچ ووردەکارییەکی زیاتر لەبارەی کات و شوێنی پرسەکەی بڵاونەکراوەتەوە.