بە پێی بڕیارێک ئەنجوومەنی وەزیران ڕەزامەندی لەسەر بەرزکردنەوەی پلەی ئەفسەرانی پێشمەرگەی دەرکرد

پەیامی کورد     ...    بە پێی بڕیارێک ئەنجوومەنی وەزیران ڕەزامەندی لەسەر بەرزکردنەوەی پلەی ئەفسەرانی پێشمەرگەی دەرکرد 

جێگری سوپاسالاری ھێزی پێشمەرگە بۆ ئۆپراسیۆنەکان لە وەزارەتی پێشمەرگە رایدەگەێنێت ، دوای ناردنی لیستی ناوی ئەفسەرانی پێشمەرگە بۆ پلەبەرزکردنەوە، لە ئێستادا ئەنجوومەنی وەزیران رەزامەندی لەسەر داوە و بۆ وەزارەتی پێشمەرگەی رەوانە کردووە، کە لە ساڵی ٢٠١٧وە بۆیان حیساب دەکرێت و ھەموو جۆرە پلەیەکی تێدایە و سەرجەم ئەفسەرانی پێشمەرگەش دەگرێتەوە.

لیوا قارەمان کەمال ، ڕایگەیاند : دوای ئەوەی لیستی پلەبەرزکردنەوەی ناوی ئەفسەرانی ھێزی پێشمەرگە ئاراستەی ئەنجوومەنی وەزیران کرا بۆ ساڵی ٢٠١٧، لە ئێستادا ئەنجوومەنی وەزیران رەزامەندی لەسەر داوە و بۆ وەزارەتی پێشمەرگەی ڕەوانە کردووە و دەست بە جێبەجێکردنی پلەبەرزکردنەوەی ئەو ئەفسەرانە دەکرێت، کە رەزامەندی لەسەر پلەبەرزکردنەوەیان دراوە.

ناوبراو ووتیشی: "دوای ئەوەی رەزامەندی درا لەسەر ناوەکانی ٢٠١٧، ئێستا سەرقاڵی ئامادەکارین بۆ ئامادەکردنی لیستی ناوەکانی ٢٠١٨ و ئەوانیش بۆ ئەنجوومەنی وەزیران رەوانە دەکەین، بۆ ئەوەی ئەنجوومەنی وەزیران رەزامەندیی لەسەر ئەوانیش بدات".

کەمال باسی لەوەش کرد، ئەو پلەبەرزکردنەوەیە ھەموو ھێزی پێشمەرگە دەگرێتەوە، ئەوانەی ناو وەزارەت و یەکەکانی ٧٠و٨٠ و ھێزەکانی زێرەڤانی و ھێزەکانی فریاکەوتنیش، جا لە پلەی ملازم تا دوایین پلە لەو لیستەی گەڕاوەتەوە، تێیدایە.

دەشڵێ، ئەوانەی ناویان گەڕاوەتەوە بۆ پلەبەرزکردنەوە، لە ساڵی ٢٠١٧وە بۆیان حیساب دەکرێت.