بە فەرمانی نێچیرڤان بارزانی رۆژى هەڵبژاردنى پەرلەمانى کوردستانی دیاری کرا

پەیامی کورد     ...   بە فەرمانی نێچیرڤان بارزانی رۆژى هەڵبژاردنى پەرلەمانى کوردستانی دیاری کرا .

نێچیرڤان بارزانی، سەرۆكی هەرێمی كوردستان، فەرمانی هەرێمی بۆ دەستنیشان كردنی رۆژی هەڵبژاردنی گشتی پەرلەمانی هەرێمی كوردستان ـ عیراق ی واژوو كرد و بڕیاری دا رۆژی ١/١٠/٢٠٢٢ هەڵبژاردن بکرێت.

ئەمڕۆ پێنجشەممە 24/2/2022 نێچیرڤان بارزانی سەرۆكی هەرێمی كوردستان، فەرمانی هەرێمی بۆ دەستنیشانكردنی ڕۆژی هەڵبژاردنی گشتی پەرلەمانی هەرێمی كوردستان ـ عیراق واژوو كرد.

لە فەرمانه‌ هەرێمی یه‌که‌دا هاتووە كە بەپێی یاسای ژمارە یەكی ساڵی ٢٠٠٥، یاسای سەرۆكایەتی هەرێمی كوردستان ـ عیراق، هەمواركراو، ڕۆژی 1/10/2022 وەك ڕۆژی ئەنجامدانی خولی شەشەمی هەڵبژاردنی پەرلەمانی كوردستان دەستنیشان كرا.

هەر بەپێی فەرمانەكە پێویستە لایەنە پەیوەندیدارەكانی وەك پەرلەمان و حكوومەت و كۆمیسیۆنی باڵای سەربەخۆی هەڵبژاردنی هەرێمی كوردستان، دەست بە ڕێكارە پێویستەكان بۆ بەڕێوەچوونی پرۆسەكە بكەن.