بەهۆی جووڵەی داعش، ڕێگەی کەرکووک بۆ دووبز داخرا

پەیامی کورد... بەهۆی جووڵەی داعش، ڕێگەی کەرکووک بۆ دووبز داخرا

بەهۆی جموجۆڵی گرووپە چەکدارەکانی داعش، شەوی ڕابردوو ڕێگەی سەرەکی نێوان کەرکووک بۆ دووبز داخراو هێزێکی زۆری سوپا و پۆلیسیش بڵاوەیان پێکرا.

سەرچاوەکانی هەواڵ ڕایان گەیاند، هێزەکانی سوپای عێراق شەوی ڕابردوو ڕێگەی سەرەکی نێوان کەرکووک و شارۆچکەی دووبز لە ڕۆژئاوای کەرکووکیان داخست، ئەوەش دوای ئەوەی جموجۆڵی چەکدارانی داعش لە سنوورەکە هەستی پێکرابوو.

دوای دەنگۆی جووڵەی چەکدارانی داعش هێزێکی زۆری سوپای عێراق و پۆلیسی شارۆچکەی دووبز و پۆلیسی فیدڕالی لە دەروازەی شارۆچکەی دووبز و ڕێگای سەرەکی کەرکووک بڵاوەیان پێکراو ئامادەکاری تەواویان کرد بۆ هەر هێرشێکی لەناکاوی چەکدارانی داعش.