بەپەلە ... دەزگای ئێستێخباراتی دوو ئەندامی بنەماڵەیەک لە بووکان بێ سەر و شوێن دەکەن

هێزەکانی دەزگای ئێستێخباراتی بووکان، باوک و کوڕێکیان دەستبەسەر کرد کە تا ئێستا هیچ زانیاریەک لەسەر چارەنووسیان دیار نییە.

بەگوێرەی هەواڵ و زانیارییەکان ، ڕۆژی شەممە "١٤ی ژوئیە ٢٠١٨" ، دەزگای ئێستێخباراتی بووکان دوو هاووڵاتی خەڵکی ئەو شارەیان کە باوک و کوڕ بوون، دەستبەسەر کردووە.

بە پێی زانیارییەکان ناسنامەی ئەو دوو هاووڵاتیە دەستبەسەرکراوە بە شێوەیە ڕاگەێندراوە " کەریم سەیدزادە و شەهرام سەیدزادە" .

بە وتەی سەرچاوەیەکی ئاگادار، برای سەید کەریم کادێری یەکێک لە حزبە کوردییەکانی دژبەری ئێران بووە و هۆکاری بانگهێشت و دەستبەسەر کردنیان بۆ ئەو بابەتەدەگەڕێتەوە.

دوایی تێپەڕبوونی ٥ ڕۆژ لە دەستبەسەر کردنی ئەو باوک و کوڕە لە لایەن دەزگای ئێستێخباراتی بۆکانەوە و سەرەڕای بەدواداچوونەکانی بنەماڵەکەیان، هیچ زانیاریەک لەسەر چارەنووسیان دیار نیە.

ئەو دوو کەسە لە چالاکیە مەدەنیەکانی شاری بووکان، بۆ نموونە کۆکرنەوەی هاوکاری بۆ خەڵکی کۆبانێ و هەروەها خەڵکی بوومەلەرزە لێدراوی کرماشان، بەشداری چالاکانەیان هەبووە.