بەپەلە ... هێزە ئەمنییەکانی ئێران ٢٧ کوردی خەڵکی شاری مەریوانیان دەستبەسەر کرد

لەماوەی چەند ڕۆژی ڕابردوودا ،27  شاروەندی کورد لەشاری مەریوان،لەلایەن هێزە ئەمنیەکانی کۆماری ئیسلامییەوە،دەستبەسەر کراون.

بە پێی هەواڵ و زانیارییەکان هێزە ئەمنیەکانی کۆماری ئیسلامی بەهێرش کردنە سەر گوندی " دەری " 16 کەس ، لە گوندی " چۆر و نەنە " 5کەس ، لە گوندی " شێخە کوێرە " 3 کەس ، لە گوندی " گوێزەکوێرە " 2 کەس لە گوندی " گوڵچێر " 1کەسیان دەستبەسەر کردووە سەرجەم دەستبەسەرکراوان بۆ شوێنێکی نادیار گۆاستراونەتەوە.

سەرچاوەکانی هەواڵ ڕایانگەیاندووە : ئەو 16 کەسەی لەگوندی "دەری" دەستبەسەر کرابوون ، لەدوای چەند کاتژمێرێک لێپرسینەوە و لێپێچینەوە ئازاد کراون.

هەروەها لەگوندەکانی لەنجاوا و بالەک ، بە دەیان کەسی دیکە لەشاروەندان دەستبەسەر کراون و تا ئێستا،چارەنووسیان نادیارە.

ناسنامەی زۆربەی دەستبەسەرکراوان دیار نییە.تەنها ناسنامەی سێ کەس لەدەستبەسەرکراون ئاشکرا بووە: "ئەکبەر سەمەدی"خەڵکی گوندی گوڵچێر،"عوسمان دڵئاوێز" و "محەمەد کەرەمی" خەڵکی گوندی گوێزە کوێرە