لە سنوورەکانی ڕۆژهەڵات پێنج کۆڵبەر بریندار بوون

پەیامی کورد … لە سنوورەکانی ڕۆژهەڵات پێنج کۆڵبەر بریندار بوون

لانیکەم پێنج کۆڵبەر لە یەکێک لە سنوورەکانی مەریوان بە تەقەی ڕاستەوخۆی هێزەکانی سەر سنوور بریندار و بۆ ناوەندە دەرمانیەکانی ئەو شارە گوازراونەتەوە.

بە گوێرەی هەواڵێکی  ڕێکخراوی مافی مرۆڤی هەنگاو، سەرلەبەیانی ئەمڕۆ یەکشەممە ٢٥ی نیسانی ٢٠٢١، هێزەکانی سەر سنووری قوڵقوڵە لە شاری مەریوان، تەقەیان لە کاروانێکی کۆڵبەران کردووە و لانیکەم پێنج کۆڵبەر بریندار کراون.

ناسنامەی ئەم پێنج  کۆڵبەرەی کاروان مەنووچێهری، زانیار حاتەم پەناه، سەلاح وەتەن دۆست، سۆران وەتەن دوست و ئارام مەنووچێهری" ڕاگەیاندووە کە خەڵکی شاری مەریوان و گوندی میراوای ئەم شارەن.

بە وتەی سەرچاوەیەکی ئاگادار، ئەم کۆڵبەرانە دوای ئەوەی کەوتوونەتە بۆسەی هیزەکانی سەر سنووری بریندار بوون و تا ئێستا چارەنووسی لانیکەم ٣٠ کۆڵبەری دیکەی کاروانەکە نادیارە.

ئەم پێنج کۆڵبەرە بۆ نەخۆشخانەی "بوعەلی" مەریوان گوازراونەتەوە.