باگەوازی هاوکاری بۆ هاووڵاتیان عەفرین دەکرێت

مانگی سووری کورد بانگەوازیی هاوکاریی دەکات بۆ سەدان هەزار هاووڵاتی شاری عەفرینی رۆژئاوای کوردستان، کە بەهۆی هێرشەکانی سوپای تورکیاوە ئاوارە بوون.

ئەندامانی بەڕێوبەریی مانگی سووری کوردی بانگەوازیی گەلی کورد و رێکخراوەکانی مافی مرۆڤ و تەندروستی دەکەن، کە بە هانای ئاوارەکانی شاری عەفرینەوە بچن.

ئاماژە بەوەشکراوە، ئاوارەکانی عەفرین کە ئێستا لەشەهبا جێگربوون، لە دۆخێکی زۆر سەختدا ژیان دەگوزەرێنن، مەترسیی تووش بوونیان بە نەخۆشییە جۆراوجۆرەکان هەیە و هیچ هاوکارییەکیشیان بۆ پێناگات.

بەپێی ئامارەکان، لە ئێستادا مانگی سووری کوردی، سەرپەرەشتی (١٧٥) هەزار ئاوارەی شاری عەفرین دەکات.
مانگی سوور راشیگەیاندووە، کە دەرمانی پێویست بۆ چارەسەرکردنی نەخۆشییەکانی هاووڵاتیان نییە و لە لایەکی دیکەوەشە کەرەستەی تەندروستی و ئاو و خواردنی پاکیش ناگاتە دەستی عەفرینییەکان، بۆیە مەترسیی تووشبوونیان بەنەخۆشییە جۆراوجۆرەکان هەیە.