ئەگەری داخرانی گەورەترین کۆمەڵگای پێرۆشیمیای جیهان بە هۆی کەمبوونی گاز

پەیامی کورد    ...  ئەگەری داخرانی گەورەترین کۆمەڵگای پێرۆشیمیای جیهان بە هۆی کەمبوونی گاز

واڵ ستریت ژۆرناڵ ڕایگەیاند : ئەگەری ئەوە هەیە کە کۆمپانیای BASF ئاڵمانیا بە هۆی کەمبوونی گاز ناچار بێت چالاکییەکانی گەورەترین کۆمەڵگای پێترۆشیمیای جیهان لە شاری لۆدڤیگسهافن ی ئاڵمانیا ڕابگرێت .

لە ماوەی ڕۆژانی ڕابردوودا ڕووسیا هەناردەکردنی گازی بۆ ئاڵمانیا ٦٠٪ دابەزاندووە و ئەم کۆمپانیایە هۆکاری ئەگەری ڕاگرتنی چالاکییەکانی بۆ هەر ئەم بابەتە ڕاگەیاندووە .

پچڕاندنی بەپەلەی گاز لە لایەن ڕووسیاوە دەتوانێ ببێتە هۆی دابەزینی ١٢٪ لە بەرهەمی ناخاڵس ی ناوخۆیی ئاڵمانیا . بە پێی پێداچوونەوەکان زیاتر لە هەمووان پیشەسازی شووشەوات و ئاسن زەرەرمەند دەبن .

هەروەها باقی پیشەسازییەکان لەوانەش شیمی ، سیرامیک ، پیشەسازی خۆراک و پارچە ، لە ئەگەری پچڕانی گازی ڕووسیا بە تووندی و بە قورسی زەرەرمەند دەبێت .