عێراق؛ زیاتر لە 10 هەزار بەکارهێنەر و بازرگانی ماددە هۆشبەرەکان لەزینداندان

پەیامی کورد... عێراق؛ زیاتر لە 10 هەزار بەکارهێنەر و بازرگانی ماددە هۆشبەرەکان لەزینداندان


لەعێراق زیاتر لە دە هەزار بەکارهێنان و بازرگانی بە ماددەی هۆشبەر، لەزینداندان و وەزارەتی دادی عێراق بڕیاریداوە زیندانی ئەبو غرێب تایبەت بکرێت بەو تۆمەتبارانەی بە یاسای ماددە هۆشبەرەکان دەستگیرکراون.

ڕۆژنامەی سەباحی عێراقی بڵاویکردەوە، لە زیندانەکانی عێراق زیاتر لە ١٠ هەزار بەکارهێنەر و بازرگانی ماددە هۆشبەرەکان هەن، حەوت هەزار و ٥٠٠ زیندانی بەكارهێنەر و زیاتر لە دوو هەزار و ٧٠٠ کەسیش بە تاوانی بەبازرگانی ماددەی هۆشبەر زیندانیکراون.

هاوكات كامیل ئەمین هاشم، وتەبێژی وەزارەتی داد ڕایگەیاندووە، زۆرینەی ئەوانەی لە ماددە هۆشبەرەکانەوە دەگلێن، لە ناوچە هەژارنشینەکان، بێکار و ئەو هەرزەکارانەن کە لەلایەن بازرگانی ماددە هۆشبەرەکانەوە بەکارهێندراون.

ئاماژە بەوەشدەكات، كە وەزارەتی دادی عێراق بڕیاریداوە، زیندانی ناوەندی بەغدا (ئەبو غرێب) تایبەت بکرێت بە بەکارهێنەران و بارزگانان و هەر کەسێك بەپێی یاسای ماددەی هۆشبەر زیندانیکرابێت.