بوومەلەرزەیەک شاری ئیلامی هەژاند

پەیامی کورد … بوومەلەرزەیەک شاری ئیلامی هەژاند

ده‌زگای بومه‌له‌رزه‌زانی عێراق رایگه‌یاند، ئه‌مڕۆ یه‌كشه‌ممه‌ بومه‌له‌رزه‌یه‌ك به‌گوڕی ٣.٨ پله‌ رێخته‌ر له‌سنووری نێوان عێراق و ئێران رویدا.

له‌راگه‌یه‌ندراوێكدا، ده‌زگای بومه‌له‌رزه‌زانی عێراق رایگه‌یاند، كاتژمێر 4:51:35 چركه‌ ئه‌مڕۆ یه‌كشه‌ممه‌ بومه‌له‌رزه‌یه‌ك به‌گوڕی ٣.٨ پله‌ رێخته‌ر له‌ شاری ئیلام و به‌دوری ٩٣ كیلۆمه‌تر له‌ باكوری رۆژئاوای ناوچه‌ی عه‌لی غه‌ربی پارێزگای میسان رویدا.

به‌شێك له‌ هاوڵاتیانی سنوره‌كانی ئێران و عێراقه‌وه‌ هه‌ست به‌ بومه‌له‌رزه‌كه‌ كراوه.

ئه‌وه‌شی خستوه‌ته‌ڕو، له‌لایه‌ن به‌شێك له‌ هاوڵاتیانی سنوره‌كانی ئێران و عێراقه‌وه‌ هه‌ست به‌ بومه‌له‌رزه‌كه‌ كراوه‌، به‌ڵام تاوه‌كو ئێستا زیانه‌كان نه‌زانراون.