وێنەگرێکی کورد لە مەجارستان خەڵاتی بەدەست هێنا

پەیامی کورد ... وێنەگرێکی کورد لە مەجارستان خەڵاتی بەدەست هێنا

وێنەگر و دەرهێنەریکی خەڵکی شاری سەقزی ڕۆژهەڵاتی کوردستان خەڵاتی یەکەمی فێستیڤاڵی نێودەوڵەتی وێنەی لە مەجارستان بەدەستهێنا.

“خالید فەرەجزادە”، هونەرمەندی وێنەگر و دەرهێنەری خەڵکی شاری سەقز توانی لە ٢٣هەمین خولی فێستیڤاڵی نێودەوڵەتیی بەدەست بهێنێت.

لەو فێستیڤاڵەدا ٥٣ وڵات بە ٢٩٨ بەرهەمەوە بەشدار بوون و ١٩ وێنەگر توانیبویان بگەنە بەشی سەرەکی.

خالید فەرەجزادە بە کۆمەڵێک وێنەی کولتووری کوردستان و وێنەی شوێنی ژیانی منداڵان، پلەی یەکەمی فێستیڤاڵەکەی بەدەستهێنا و خەڵاتی فێستیڤاڵەکەی بۆخۆی دەستەبەرکرد.