داعش لە دوو قۆڵەوە هێرشی کردە سەر سوپای عێراق

پەیامی کورد... داعش لە دوو قۆڵەوە هێرشی کردە سەر سوپای عێراق

گرووپە چەکدارەکانی داعش هێرش دەکەنە سەر هێزەکانی سوپای عێراق و شەڕ و پێکدادان ڕووی داوە و کوژراو و بریندار هەیە.

سەرچاوەیەکی ئەمنی عێراقی بڵاوی کردووەتەوە، بەرەبەیانی زووی ئەمڕۆ گرووپە چەکدارەکانی داعش لە دوو قۆڵەوە هێرشیان کردووەتە سەر هێزەکانی سوپای عێراق و لە شەڕ و پێکدادانێکدا کوژراو و بریندار هەیە.

هێرشی یەکەم بۆ سەر خاڵێکی هێزەکانی فەوجی دووی لیوای (١٨) سەر بە فیرقەی پێنجی پۆلیسی فیدراڵی بووە لە ناوچەی وادی زغێتون سنووری ناحیەی ڕەشاد و لەو هێرشەدا مفەوزێک کوژرا بەناوی (حەیدەر وەحید) و دووی دیکەش برینداربوونە.

هێرشی دووەم بۆ سەر هێزەکانی سوپای عێراق لە سنووری دیالە و لە پاش شەڕ و پێکدادان دوو سەرباز کوژران بە ناوەکانی (حەفزی عەبدولسەلمان) و (موحەمەد قاسم جەیاشی).