دەستگیرکرانی دوو تیرۆریست لە کەرکووک

پەیامی کورد … دەستگیرکرانی دوو تیرۆریست لە کەرکووک

باره‌گای پێشكه‌وتوی ئۆپه‌راسیۆنه‌ هاوبه‌شه‌كانی كه‌ركوك رایگه‌یاند، دوو تیرۆرستیان ده‌ستگیركردوه‌ و ده‌ستیشیان به‌سه‌ر ژماره‌یه‌ك موشه‌كدا گرتوه‌ كه‌ تیرۆرستان به‌نیازبون ئاراسته‌ی ناوچه‌ جیاجیاكانی بكه‌ن.

لەمبارەیەوە عه‌لی فرێجی فه‌رمانده‌ی فه‌رمانده‌یی باره‌گای پێشكه‌وتوی ئۆپراسیۆنه‌ هاوبه‌شه‌كانی كه‌ركوك رایگه‌یاندوە: له‌ ماوه‌ی دوو ڕۆژی ڕابردودا به‌پێی ماده‌ی 1/4ی تیرۆر، 2 (دو) تیرۆرستیان ده‌ستگیركردوه‌.

ئاماژە بەوەشكراوە: ده‌ستیان به‌سه‌ر ژماره‌یه‌ك چه‌ك و ته‌قه‌مه‌نیدا گرتووه‌، له‌وانه‌ش 14 (چوارده‌) بۆمبی چێندراو، 7 (حه‌وت) موشه‌ك.

ئەوەش هاتووە: هه‌ر له‌ ئۆپراسیۆنه‌كه‌یاندا ده‌ستیان به‌سه‌ر 5 (پێنج) مادده‌ی ته‌قینه‌وه‌ گرتوه‌ و دو باره‌گای داعشیش خاپوركراون كه‌ دو موشه‌كی تێدابوه‌ و به‌نیازبون ئاراسته‌ی ناوچه‌كانی كه‌ركوكی بكه‌ن.