باڵیۆزی عێراق لە ئێران لەلایەن وەزارەتی دەرەوەی ئێران بانگهێشت كرا

پەیامی کورد... باڵیۆزی عێراق لە ئێران لەلایەن وەزارەتی دەرەوەی ئێران بانگهێشت كرا

وەزارەتی دەرەوەی ئێران ڕایگەیاند: وەك ناڕەزایەتیی دەربڕین لە بەرامبەر ناونانی پاڵەوانێتیی” ٢٥مین جامی كەنداوی عەرەبی” لە بەسرە، باڵیۆزی عێراق لە تاران، نەسیر عەبدولموحسینی بانگھێشتكردووە و جەخت لە نیگەرانییەكانی ئێران لەوبارەیەوە كراوەتەوە.

وەزیری دەرەوەی ئێران حوسێن ئەمیر عەبدوڵڵاھیان رایدەگەیەنێت: وەك ناڕەزایەتیی دەبڕین لەبەرامبەر بەكارھێنانی ناونانی پاڵەوانێتیی ٢٥مین جامی كەنداوی عەرەبی باڵیۆزی عێراق لە تاران، نەسیر عەبدول موحسین بانگھێشتی وەزارەتی دەرەوەی ئێران كراوە.

ووتیشی: كاردانەوەی ھەستیاریی گەلی ئێرانمان بەرامبەر بە بەكارھێنانی ئەو ناولێنانە بە لایەنی عێراقی نیشانداوە.

وەزیری دەرەوەی ئێران ئاماژەی بەوەشكرد: كە سەرۆكوەزیرانی عێراق، محەمەد شیاع سوودانی ئەم ھەڵەیە ی لە گوتارێكدا كە بەم دواییە بڵاوكردووەتەوە، راستكردووەتەوە.

باسی لەوەش كردووە: سەرباری ئەوەی پەیوەندی ستراتیجیی و برایانە و قۆڵمان لەگەڵ عێراقدا ھەیە، بەڵام بەڕوونی ناڕەزایەتیی خۆمان لەسەر ئەو پرسە نیشانداوە و باڵیۆزی عێراقمان لە تاران بانگھێشتی وەزارەتی دەرەوە كردووە و نیگەرانیی و ھەستیاریی گەلی ئێرانمان لەوبارەیەوە نیشانداوە.

شایەنی باسە: لە شەشی ئەم مانگە بەبۆنەی دەستپێكردنی پاڵەوانێتی “٢٥مین جامی كەنداوی عەرەبی” سەرۆكوەزیرانی عێراق، محەمەد شیاع سوودانی لە دەستپێكی یارییەكانی جامی كەنداودا، ناوی كەنداوی عەرەبی بەكارھێنا، ئەوەیش ناڕەزایەتیی ئێرانی لێكەوتەوە.