پوتن لەگەڵ سەرۆکی تورکیا و ئێراندا کۆدەبێتەوە

بڕیارە ئەمڕۆ سەرۆکی روسیا سەردانی ئەنقەرە بکات و لەگەڵ هەریەک لەسەرۆکی تورکیا و ئێراندا کۆببێتەوە.

لە بەیاننامەیەکدا کۆشکی کرملین بڵاویکردووەتەوە، کە ئەمڕۆ دوو شەممە ڤلادمێر پوتن سەردانەکەی بۆ تورکیا دەستپێدەکات و بڕیارە ماوەی دوو ڕۆژ بخایەنێت.

ئاشکراشکراوە، کە پوتن سبەینێ لەگەڵ سەرکردەی هەردوو وڵاتی تورکیا و ئێران کۆدەبێتەوە و دۆخی ناوچەکە تاوتوێ دەکەن.

هەر بەپێی بەیاننامەکە، لە سەردانەکەدا، پوتین و ئەردۆغان بەفەرمی یەکەمین یەکەی وێستگەی وزەی ناوکی ئاکویو لەو وڵاتەدا دەخەنە کار.

جێی ئاماژەیە مانگی تشرینی دووەمی ساڵی (٢٠١٧) هەرسێ سەرکردەی وڵاتانی روسیا و تورکیا و ئێران ل سوچی کۆبوونەوەو ڕەوشی سوریایان تاوتوێ کرد.