توركیا هێرشی فڕۆكه بێ فڕۆكهوانهكانی بۆ سهر ههسهده زیاد كردووه
پەیامی کورد... توركیا هێرشی فڕۆكه بێ فڕۆكهوانهكانی بۆ سهر ههسهده زیاد كردووه
بهگوێرهی راپۆرتێكی دهنگی ئهمریكا، لهم دواییانهدا توركیا هێرشی فڕۆكه بێ فڕۆكهوانهكانی له سوریا بۆ سهر هێزهكانی سوریای دیموكرات و بهڕێوهبهرایهتی خۆسهر زیادكردووه.
له راپۆرتهكهی دهنگی ئهمریكادا هاتووه كه "دوایین هێرشی ئهو فڕۆكانه، ڕۆژی پێنجشهممه بوو كاتێك ئۆتۆمبیلێكیان له ڕۆژئاوای شاری قامیشلۆ كرده ئامانج و له ئاكامدا 4 كهس گیانیان لهدهست دا و 2 كهسی دیكه برینداربوون".
هێزهكانی سوریای دیموكرات ڕاگهیاندنێكیان بڵاوكردهوه و تیایدا دهڵێن هێزهكانیان كراونهته ئامانج كه یهكێكیان فهرماندهیهك بووه به ناوی ئارام محهمهد ئیبراهیم و له شهڕی دژی داعش بریندارببوو و بهشێكی جهستهی لهدهست دابوو، شهڕڤانهكانی دیكهش ڕۆڵێكی چالاكیان ههبووه له ههموو شهڕهكانی دژی داعش.
ساڵح موسلم، هاوسهرۆكی پارتی یهكێتی دیموكراتی به دهنگی ئهمریكای وت: "له پاش ئهو كۆبوونهوانهی نێوان ڕوسیا، ئێران، توركیا و سوریا ئهنجامدران، هێرشهكان زیادیانكردووه".
وتیشی: "ئهم وڵاتانه دوو ئامانجیان ههیه، یهكهم لهناوبردنی بهڕێوهبهرایهتی خۆسهر و دووهم دهركردنی هێزهكانی هاوپهیمانان به ڕابهرایهتی ئهمریكا له سوریا".
راپۆرتهكه راشیگهیاندووه كه تهنیا لهماوهی ههشت رۆژدا، له رۆژئاوای كوردستان 10 كهس به هێرشی فڕۆكهی بێ فڕۆكهوانی توركیا كوژراون و تورکیا دەڵێت ئەندامان و کەسانی نزیک لە پارتی کرێکارانی کوردستان دەکاتە ئامانج .
هەواڵە گرنگەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە