فیلمێکی بەهمەند قوبادی لە تۆڕی خزمەتگوزاری فیلمی نێت‌فلیکس بڵاو دەکرێتەوە

پەیامی کورد ... فیلمێکی بەهمەند قوبادی لە تۆڕی خزمەتگوزاری فیلمی نێت‌فلیکس بڵاو دەکرێتەوە

تۆڕی خزمەتگوزاری فیلمی نێت‌فلیکس، بە کڕینی فیلمی ”وەرزی کەرگەدەن“ ، بەرهەمی "بەهمەن قوبادی" دەرهێنەری کورد، ئەو فیلمەی لە تۆڕی جیهانی خۆیدا بڵاو کردەوە.

فیلمی ”وەرزی کەرگەدەن“، پێنجەمین فیلمی سینەمایی بەهمەن قوبادی-یە کە "مۆنیکا بەلووچی" ئەکترێسی بە ناوبانگی ئیتالیایی و "بێهرووز وسوقی" ئەکتەری بە ناوبانگی ئێرانی تێدا ڕۆڵ دەگێڕن.

ئەو فیلمە بەرهەمی بەهمەن قوبادی دەرهێنەری دانیشتووی دەرەوەی ئێران، یەکەمین فیلمێکە کە بەرهەمی فیلمسازێکی ئێرانی و بە عەواملی ئێرانییە کە لە تۆڕی نێت‌فلیکس بڵاو دەکرێتەوە.

ئەم فیلمە لە ساڵێ ٢٠١٢ دا لە تورکیە درووست کرا. فیلمەکە باسی چیرۆکی خۆشەویستییەک دەکات کە پاش گوڕانکارییەکانی ساڵی ١٩٧٩ ی ئێران ڕوو دەدات.

بەهمەن قوبادی دەرهێنەری کوردی خەڵکی شاری بانەی ڕۆژهەڵاتی کوردستانە و فیلمەکانی زۆربەی جارەکان لە فێستیڤاڵە نێودەوڵەتییەکان سەرکەوتنیان بە دەست هێناوە.