ئەمڕۆ پەرلەمان کۆبونەوەی نائاسایی ئەنجامدەدات

پەیامی کورد    ...    بەپێی بانگهێشتنامەیەکی سه‌رۆكی په‌رله‌مانی كوردستان، ئەمڕۆ پەرلەمان کۆبونەوەی نائاسایی ئەنجامدەدات و خوێندنەوەی دوەم بۆ پڕۆژە بڕیاری پێشنیازی دیاریکردنی رۆژێک تایبەت بە ئێزدیەکان دەکات.

د.رێواز فایق، سه‌رۆكی په‌رله‌مانی كوردستان لە نوسراوێکدا بانگهێشتی ئه‌ندامانی په‌رله‌مان ده‌كات و رایگەیاندووە، "بە پشت به‌ستن به‌ حوكمی بڕگه‌ى یه‌كه‌م له‌ مادده‌ى 8ى په‌یڕه‌وی ناوخۆی په‌رله‌مانی كوردستانی-عێراق، بڕیارماندا بانگهێشتی گشت ئه‌ندامه‌ به‌ڕێزه‌كانی په‌رله‌مان بكه‌ین بۆ دانیشـتنی ژماره‌ (2)ى نائاسایى، ســـاڵی یه‌كه‌م له‌ خولی هه‌ڵبژاردنی پێنجه‌می په‌رله‌مانی كوردستان - عیراق".

ئاماژەی بەوەشکردوە، کۆبوونەوەکە کاتژمێر 11:00ی پێشنیوه‌ڕۆى ڕۆژی پێنجشه‌ممه‌ رێكه‌وتی 2019/8/1 بەڕێوەدەچێت.

کۆبونەوەکەی ئەمڕۆی پەرلەمانی کوردستان تایبەتە بە خوێندنەوەی دووەم بۆ پڕۆژە بڕیاری پێشنیازی دیاریکردنی رۆژێک تایبەت بە ئێزدییەکان دەکات.