وادەی هەڵبژاردنی سەرۆک کۆمار ئاشکرا دەکرێت

پەیامی کورد... وادەی هەڵبژاردنی سەرۆک کۆمار ئاشکرا دەکرێت

سەرۆکایەتیی ئەنجوومەنی نوێنەرانی عێراق کۆتایی هەفتەی داهاتووی دیاری کرد بۆ دانیشتنی هەڵبژاردنی سەرۆک کۆماری عێراق.

ئەمڕۆ سێ شەممە 22 ی شوباتی 2022 میدیا عێراقییەکان بڵاویانکردەوە، ئەمڕۆ سەرۆکایەتیی ئەنجوومەنی نوێنەران و سەرۆکی فراکسیۆنەکان کۆبوونەتەوە، بڕیار دراوە کۆتایی هەفتەی داهاتوو دانیشتنی تایبەت بە هەڵبژاردنی سەرۆک کۆماری نوێی عێراق ئەنجام بدرێت.

ئەوەش لە کاتێکدایە، بڕیارە سبەینێ چوارشەممە دادگای باڵای فیدراڵی بڕیاری لەبارەی یاساییبوون و یاسایینەبوونی بڕیاری سەرۆکایەتیی ئەنجوومەنی نوێنەران بدات بە دووبارە کردنەوەی دەرگای خۆ پاڵاوتن بۆ پۆستی سەرۆک کۆمار.