هەلیکۆپتەرێکی روسی لەسوریا کەوتەخوارەوە

هەلیکۆپتەرێکی ڕوسی لە ڕۆژهەڵاتی سوریا کەوتە خوارەوە و هەردوو فڕۆکەوانەکەشی گیانیان لەدەستدا.

وەزارەتی بەرگری روسیا ڕایانگەیاندووە، کە هەلیکۆپتەرە سەربازییەکە لە جۆری (52KN)ە و لە ئەرکێکیدا بووە بەسەر ئاسمانی ناوچەکانی ڕۆژهەڵاتی کۆماری عەرەبی سوریاوە و لەو کاتەدا کەوتووەتە خوارەوە، بەڵام هۆکاری کەوتنە خوارەوەکەی ئاشکرا نەکردووە.

جێی ئاماژەیە لەبەرواری (٣)ی ئەم مانگەش فڕۆکەیەکی جەنگی ڕوسی لە جۆری (سوخۆی-30 ئێس ئێم) پاش کەمێک لە فڕینی لە سوریا کەوتە خوارەوە و لە ئەنجامدا ب دوو فڕۆکەوانەکەی گیانیان لەدەستدا.