هۆکاری بەرز بوونەوەی ڤیرووسی کۆرۆنا لە هەرێمی کوردستان ئاشکرا دەکرێت

پەیامی کورد    ...   هۆکاری بەرز بوونەوەی ڤیرووسی کۆرۆنا لە هەرێمی کوردستان ئاشکرا دەکرێت

فەرمانگەی میدیا و زانیاری حكوومەتی هەرێم رایگەیاند، ئەمڕۆ لیژنەی باڵای ڕووبەڕووبوونەوەی كۆرۆنا كۆدەبێتەوە و تاوتوێی پرۆسەی خوێندنی ئەمساڵ و چەند بابەتێكی دیكە دەكات.
كۆبونەوەكەی لیژنەی باڵای ڕووبەڕووبوونەوەی كۆرۆنا لە دیوانی وەزارەتی ناوخۆ بەڕێوەدەچێت و بەگوێرەی ئەو زانیارییەی فەرمانگەی میدیا و زانیاری حكوومەتی هەرێم بڵاویكردوەتەوە، تاووتوێی هۆكاری تەشەنەسەندنی ڤایرۆسی كۆرۆنا و پڕۆسەی خوێندن لە قوتابخانە و زانكۆ و پەیمانگاكانی هەرێم دەكەن.
لەلایەكی دیكەەوە ئاسۆ حەوێزی ووتەبێژی وەزارەتی تەندرووستی هەرێم رایگەیاند، لەكۆبونەوەكەدا وەزیری تەندرووستی راپۆرتی وەزارەتەكەیان سەبارەت بە رەوشی ئێستای كۆرۆنا و دوایین گۆڕانكارییەكان و رێكار و ستراتیژییەتی نوێ بە گشتی و بۆ قوتابخانەكان و زانكۆ بەتایبەت پێشكەشدەكات.
ماوەی چەند هەفتەیەكە ژمارەی تووشبوانی كۆرۆنا لە هەڵكشانی بەردەوامدایە و دوێنێ ریكۆردی تۆماركرد، كە ٩٠٠ تووشبووی نوێ بوو، تائێستاش كۆی گشتی تووشبوانی پەتاكە گەیشتونەتە ٥٧ هەزار و ٣٦٥ كەس، كە چاكبوونەوە ٣٥ هەزار و ٧٠٥ كەسە و گیان لە دەستدانیش بەرزبۆتەوە بۆ دوو هەزار و ٤٠ كەس.