هۆشداری دەدرێت، شەپۆلێكی بەهێزی بارانبارین هەولێرو دهۆك دەگرێتەوە

پەیامی کورد... هۆشداری دەدرێت، شەپۆلێكی بەهێزی بارانبارین هەولێرو دهۆك دەگرێتەوە

شارەزایەكی بواری كەشناسی ڕایدەگەیەنێت: لە ڕۆژی چوار شەممە، شەپۆلێكی بارانبارین هەرێمی كوردستان دەگرێتەوەو لە پارێزگاكانی هەولێرو دهۆك ئەگەری دروستبونی لافاو هەیە.

محەمەد كەلاری شارەزای بواری كەشناسی بڵاویكردەوە: شەپۆلەكەی ڕۆژی چوارشەمە چالاكتر بوەوە و بەڕێژەیەكی باش جێگیرە ، بۆیە پێشنیوەڕۆی چوارشەمە تا شەوی چوارشەمە ئەگەری بارانی بەخوڕ هەیە بەتایبەتی پارێزگای هەولێر و دهۆك و موسڵ پێویستە لەئێستاوه ئاوەڕۆكان پاك بكرێتەوە، چونكە ئەگەری بەرزبونی ئاستی ئاوو هەیە ، گرنگە پێشوەختە ئامادەكاری بكرێت.

وتیشی: لەپارێزگای سلێمانی و هەڵەبجه و كەركوك و ئیدارەی سۆران و گەرمیان و ڕاپەڕینیش بارانی باش دەبارێت.