کاردانەوەی کرێملین بەرامبەر بڕیارەکەی ئەمریکا بۆ بە کۆتا گەیاندنی ئەرکی نیزامی هێزەکانی خۆی لە عێراق
پەیامی کورد ... کاردانەوەی کرێملین بەرامبەر بڕیارەکەی ئەمریکا بۆ بە کۆتا گەیاندنی ئەرکی نیزامی هێزەکانی خۆی لە عێراق .
دیمیتری پێسکۆف ووتەبێژی سەرۆککۆماری ڕووسیا ڕایگەیاند : بڕیارەکەی واشینتۆن بۆ بە کۆتاگەیاندنی ئەرکی نیزامی هێزەکانی خۆی لە عێراق جێگای گرینگیدان و بایەخە .
بە پێی ڕاپۆرتێک پێسکۆف بە ئاماژەدان بەوەی کە بڕیاردان لەمبارەیەوە هێشتا زۆر زووە و دەبێ چاەڕێی هەنگاوەکانی دواتر بین و ووتی : لە دوای ئەم بڕیارەی ئەمریکا نابێ ئەگەری تێکهەڵچوون لە ڕۆژهەڵاتی ناوەڕاست زیاتر ببێت .
ووتەبێژی کرێملین کە ئەمڕۆ سێشەممە لە پرێس کۆنفڕانسێکی ڕۆژنامەوانی دا ڕایگەیاند دەربارەی بڕیارەکەی ئەمریکا بۆ بە کۆتا گەیاندنی ئەرکی نیزامی هێزەکانی خۆی لە عێراق جێگای گرینگیدان و بایەخە .
دۆخەکە لە عێراق تا ڕادەیەک جیاوازە چوونکە بە ڕواڵەت ڕاوێژکارگەلێکی نیزامی و سەربازی زۆر لەوێ دەمێننەوە ئێمە گۆڕانکارییەکان دەخەینە ژێر چاودێرییەوە و گەشبینی بەرامبەر بەم ڕووداوە هێشتا زۆر زووە .
پێسکۆف جەختی کردەوە : مۆسکۆ بۆ پەرەپێدانی هاوکاری دوو لایەنە لەگەل بەغدا هەوڵ دەدات .
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە