گۆڕانکاری ستراتیژی ئیسرائیل بەرامبەر بە ڕژیمی ئێران

پەیامی کورد    ...   گۆڕانکاری ستراتیژی ئیسرائیل بەرامبەر بە ڕژیمی ئێران

وەزیری بەرگری ئیسرائیل لە سست بوون و بێهێز بوونی پێگەی ڕژیمی ئێران لە سووریا و گۆڕانکاری ستراتیژی ئەم ووڵاتە لە بەرامبەر ڕژیمی ئێران دا هەواڵیدا .

نەفتالی بێنت وەزیری بەرگری ئیسرائیل لە ووتەکانی خۆی دا سەرەڕای بە بەرزتر ناوبردنی هێزی سەربازی و تەکنۆلۆژیای ئیسرائیل لە بەرامبەر ئێران ڕایگەیاند : کە پێگەی ئێران لە سووریا سسست و بێ بنەما بووە  و ئێسرائیل لە بن فەرماندەیی ئەودا لە حاڵەتی بەرگری کردن دەرچووە و لە هەمبەر ڕژیمی لە خۆبایی ئێران ستراتیژی هێرش کردن دەگرێتە بەر .

بێنت هەروەها ڕژیمی ئێرانی بە ئۆختاپووس ێک شۆپهاند کە لە جیاتی گرتنی قۆڵی دەبێ سری بکەیتە نیشان و بکرێتە ئامانج

ناوبراو هەروەها ووتی : ڕژیمی ئێران هێزەکانی خۆی بە ئامانجی ماندوو کردنی ئیسرائیل بەرەو سووریا دەنیرێت بەڵام ئیسرائیل دەتوانێ ئەم هێرشانە بە دژە هێرش پێچەوانە بکاتەوە .

نەفتالی بێنت هەڕەشەی لە ڕژیمی ئێران کرد کە هەر چی زووە سووریا بە جێ بهێڵێت چوونکە هیچ هۆکارێک بۆ ئامادەبوونی ئەم ڕژیمە لە سووریا دا بوونی نییە .

حسێن سەلامی فەرماندەی سەپای پاسداران یش هەڕەشەی بەرامبەر ئیسرائیل کردبوو کە هەموو شوێنەکانی ئیسرائیل لە بەر تیر و گوللەی ئێراندایە و ئەم ڕژیمە ئیمکانییەت و توانای زۆری بۆ لە ناو بردنی ئیسرائیل لە بەردەست دا هەیە .