به‌رپرسێكى ره‌وتى سه‌در له‌ به‌سڕه‌ كوژرا

پەیامی کورد    ...   سه‌رچاوه‌كانى میدیای هه‌واڵ لە عیراق بڵاویانكرده‌وه‌، چه‌ند چه‌كدارێكى نه‌ناسراو ته‌قه‌یان له‌ به‌رپرسێكى ره‌وتى سه‌در به‌ناوى حازم حلفى كردوه‌ و ناوبراو گیانى له‌ده‌ستداوه‌.
به‌پێى ئه‌و سه‌رچاوانه‌، حازم حلفی یه‌كێك بوه‌ له‌ پیاوه‌ ئایینیه‌كانى به‌سڕه‌ و سه‌ربه‌ ره‌وتى سه‌در بوه‌.
رونیشكراوه‌ته‌وه‌، ناوبراو له‌لایه‌ن ژماره‌یه‌ك چه‌كداره‌وه‌ له‌سه‌ر رێگاى محه‌مه‌د قاسم له‌كاتى گه‌ڕانه‌وه‌ى له‌ ده‌وامى فه‌رمى ته‌قه‌ى لێكراوه‌ و كوژراوه‌.
به‌پێى زانیاریه‌كان، حازم حلفى له‌ كۆمپانیاى گشتى بۆ پیشه‌سازیه‌ پترۆكیمیاویه‌كان كارى كردوه‌.