لێژنەی باڵای فەتوای هەرێمی کوردستان داوا دەکات نرخی کاڵاکان گران نەکرێت

پەیامی کورد ... لێژنەی باڵای فەتوای هەرێمی کوردستان داوا دەکات نرخی کاڵاکان گران نەکرێت

لیژنه‌ی باڵای فه‌توای هه‌رێمی كوردستان داوا له‌ گشت موسڵمانان ده‌كات گیانی ته‌بایی و برایه‌تی و هاوكاری بپارێزن و ئیستغلالی ئه‌و گۆڕانكاریانه‌ نه‌كه‌ن و نرخی كاڵاكان له‌بازاردا به‌هۆی دابه‌زینی نرخی دیناری عێراقی له‌به‌رامبه‌ر دۆلار گران نه‌كه‌ن.

لیژنه‌ی باڵای فه‌توای هه‌رێمی كوردستان له‌راگه‌یه‌نراوێكدا ده‌ڵێت، "دروست نیه‌ كاڵاكان له‌سه‌روو رێژه‌ی سروشتی گران بكرێن و نرخیان بخرێته‌سه‌ر، یان قۆرخكاری تێدا بكرێت، هه‌روه‌ها ئه‌و خاوه‌ن قه‌رزانه‌ی قه‌رزیان به‌دۆلار له‌لای خه‌ڵكه‌ داواده‌كه‌ین كه‌ هاوكاری قه‌رزداره‌كانیان بن له‌م بارودۆخه‌دا.

ئه‌وه‌ش هاتوه‌،  پێویسته‌ له‌سه‌ر گشت موسڵمانان كه‌ گیانی ته‌بایی و برایه‌تی و هاوكاری بپارێزن و ئیستغلالی ئه‌و گۆڕانكاریانه‌ نه‌كه‌ن له‌به‌ر به‌رژه‌وه‌ندی تایبه‌تی خۆیان، داواش له‌ده‌زگا په‌یوه‌ندیداره‌كانی حكومه‌تی هه‌رێم ده‌كه‌ن به‌وردی چاودێری نرخه‌كان بكه‌ن و هاوسه‌نگی رابگرن له‌ پێناو هاوڵاتیان به‌گشتی و كه‌مداره‌مه‌تانی هه‌رێمی كوردستان به‌تایبه‌تی.