فەڕەنسا لەمڕۆوە سنوورەکانی خۆی بەڕووی گەشتیاران دا دەکاتەوە

پەیامی کورد    ...   فەڕەنسا لەمڕۆوە سنوورەکانی خۆی بەڕووی گەشتیاران دا دەکاتەوە

فەڕەنسا سنوورەکانی خۆی بە ڕووی گەشتیارانی زۆربەی ووڵاتانی ئەندامی یەکیتی ئەورووپا دەکاتەوە .

بە پێی ڕاپۆرتێک ، بە گوێرەی بەیاننامەیەکی هاوبەشی وەزارەتی کاروباری دەرەوە و وەزارەتی کاروباری ناوخۆی فەڕەنسا لەمڕۆوە ١٥ی جوون ی ٢٠٢٠ فەرەنسا سنوورەکانی بۆ گەشتیارانی ووڵاتانی ئەندامی یەکیتی ئەورووپا و چەندین ووڵاتی ئەورووپایی دیکە دەکاتەوە .

لەم بەیاننامەیەدا هاتووە ، بە پێی ڕاسپارەکانی کۆمیسیۆنی ئەورووپا کە دوێنێ بڵاو کراوەتەوە هاتووە ، فەڕەنسا لە کاتژمێر ٠٠:٠٠ لە بەرواری ١٥ی جوون ی ٢٠٢٠ هەموو جۆرە قەدەغەیە لە تێپەڕبوون لە سنوورەکانی ناوخۆی خۆی هەڵدەگرێت .

لەم بەروارەوە ، دانیشتوانی ووڵاتانی یەکیتی ئەورووپا ، ئاندۆرا ، ئایسلەند ، مۆناکۆ ، نەرویج ، لیختن ئێآتائین ، سویسڕا ، واتیکان ، سەن مارتین و سەن مارینۆ دەتوانن بە بێ هیچ قەدەغەیەک کە بە هۆی گشتگیر بوونی ڤیرووسی کۆرۆناوە بەدیهاتبوو ، سەفەری فەڕەنسا بکەن .

هەروەها لەم دۆسیەیەدا هاتووە کە بۆ دانیشتوانی ئیسپانیا و بەریتانیا هێشتا قەدەغەکان بەردەوامی هەیە .