نێچیرڤان بارزانی سهرۆكى ههرێمى كوردستان پێشوازى له شاندێكى لوبنانى كرد
پەیامی کورد ... نێچیرڤان بارزانی سهرۆكى ههرێمى كوردستان پێشوازى له شاندێكى لوبنانى كرد
بهیانی ئهمڕۆ دووشهممه 2022/1/24 نێچیرڤان بارزانى، سهرۆكى ههرێمى كوردستان، پێشوازى له دادوهر هێنرى خوورى، وهزیرى دادى لوبنانى و شاندێكى یاوهرى كرد كه له سهرۆكى ئهنجوومهنى دادوهری لوبنان، یاریدهدهرى ئهمنیدارى گشتی كۆمكارى عهرهبى و ژمارهیهك له ڕاوێژكاران پێكهاتبوو و به بانگهێشتێك بۆ بهشدارى له یادى ڕۆژى دادوهری عیراقدا، سهردانى بهغدایان كردبوو.
له دیدارێكدا كه وهزیرى دادى ههرێمى كوردستان ئامادهى بوو، تیشك خرایه سهر سیستەم و دۆخى دهسهڵاتى دادوهرى و دادگاكان و لێكچوونیان له لوبنان و عیراق و ههرێمى كوردستان و بوارى هاریكاری نێوان دهسهڵاتى دادوهری لوبنان و عیراق و سوودوهرگرتن له ئهزموونهكانى یهكتر خرایه بهر باس، ههروهها جهخت له گرینگی سهربهخۆیی دهسهڵاتى دادوهرى كرایهوه و ههردوولا هاوڕا بوون كه سهربهخۆیی دادوهرى بنهماى دهوڵهتدارییه.
دوایین پێشهاتهكانى دۆخى سیاسى و ئهمنى له عیراق و لوبنان تهوهرێكى دیكهى دیدارهكه بوو. لهمبارهیهوه شاندى لوبنانى پوختهیهكیان دهربارهى ههوڵهكانى حكوومهتى لوبنان بۆ تێپهڕاندنى دۆخى سهختى ئێستاى ئابووری ووڵاتهكه و قهیرانهكان خسته ڕوو، ههروهها باسیان له دهسپێشخهرییهكى كۆمكارى عهرهبى بۆ پشتیوانی دهسهڵاتى دادوهری لوبنانى له دۆخى ئێستایدا كرد.
سهرۆك نێچیرڤان بارزانى سهردانى شاندهكهى بۆ عیراق و ههرێمى كوردستان به گرنگ له قهڵهم دا و هیواى خواست هاریكاری عیراق و ههرێمى كوردستان لهگهڵ لوبنان له بوارى دادوهریدا پتهوتر بكرێت و ئاماژهى به ڕۆڵى ڕهوهندى لوبنانى له ههرێمى كوردستان كرد بهتایبهتیش له بوارهكانى ئاوهدانكردنهوه و خزمهتگوزارى و بانكداریدا.
دۆخى ئاواره و پهنابهران له ههرێمى كوردستان و لوبنان و چهند پرسێكى دیكهى جێى بایهخى هاوبهش، تهوهرێكى دیكهى دیدارهكه بوو.
هەواڵە گرنگەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە