ماکرۆن پێشنیاری داخستنی سنوورەکانی ناوچەی شینگن دەخاتە روو

پەیامی کورد    ...    ماکرۆن پێشنیاری داخستنی سنوورەکانی ناوچەی شینگن دەخاتە روو 

سەرۆککۆماری فەڕەنسا پێشنیاری داخستنی سنوورکانی ناوچەی شینگن تا مانگی سێپتامبەر بە هۆی بڵاوبوونەوەی ڤیرووسی کۆرۆنا دەخاتە ڕوو .

بە پێی ڕاپۆرتێک لە کەناڵی تەلەفزیۆنی BFMTV ، ئێمانۆئێل ماکرۆن ، سەرۆککۆماری فەڕەنسا پێشنیاری داخرانی سنوورەکانی ناوچەی شینگن بە هۆی بڵاوبوونەوەی ڤیرووسی کۆرۆنا تاکوو مانگی سێپتەمبەر دەخاتە ڕوو .

سەرلەبەیانی دوێنێ ، سەرۆککۆماری فەڕەنسا لەگەڵ ڕابەرانی یەکیتی کرێکاران و کارفەرمایان کۆنفرانسێکی ڤیدیۆیی بەڕیوە برد . یەکێک لە ئامادەبووانی ئەم کۆنفرانسە ڕایگەیاند کە سەرۆککۆماری فەڕەنسا لەم دانیشتنەدا ڕایگەیاندووە ووڵاتانی ئەندامی شینگن لەفکری ئەوەدان تاکوو سنوورەکانی ئەم یەکیتییە لانیکەم تاکوو مانگی سێپتەمبەر بە داخراوی بهێڵنەوە .

ماکرۆن ڕایگەیاندووە داخرانی سنوورەکانی ناوچەی شینگن دەتوانێ لە سەر باش بوونی دۆخی ئابووری کاریگەری هەبێت ، . سەرۆکی دەوڵەت هەروەها جەختی کردەوە کە کەسانێک کە بە هیوای دەرچوون لە ووڵات بوو ئێستا خۆیان لە داوێکی دەرنەچوو دەبیننەوە .

ماکرۆن بە نیازە ئەو شتانەی کە کۆنفرانسەکەدا باسیان لێوە کراوە ڕۆژی دووشەممە بۆ خەڵکی ووڵاتەکەی ڕابگەێنێت .