كوڕ و باوكێك لە دوای 115 كات ژمێر لەژێر داروپەردووی بومەلەرزەكە ڕزگار کران
پەیامی کورد... كوڕ و باوكێك لە دوای 115 كات ژمێر لەژێر داروپەردووی بومەلەرزەكە ڕزگار کران
باوكێك و كوڕەكەی كە كەم ئەندامە لە دوای 115 كات ژمێر لەژێر داروپەردووی بومەلەرزەكە لەلایەن تیمەكانی فریاكەوتن لە باكووری كوردستان ڕزگاركران.
ئەمڕۆ شەممە، پارێزگاری غازی عەنتاب ئاماژەی بەوەدا: تیمەكانی فریاكەوتن توانییان عەبدوڵڵا كسكین و ئەحمەدی كوڕی كە كەم ئەندامە، لە قەزای ئیسڵاحیە ڕزگاربكەن، پاش ئەوەی بۆ ماوەی پێنج ڕۆژ لەژێر داروپەردووی بومەلەرزەكەدا بوون.
ئاماژەی بەوەشكردوە: دوو برییندارەكە بەرەو نەخۆشخانەی نورداغی حكومی گوازراونەتەوە و فریاكەوتنی سەرەتاییان بۆكراوە، دواتر بۆ مەبەستی چارەسەر بە هێليكۆپتەر بۆ نەخۆشخانەی شاهێن بی لە غازی عەنتاب گوازرانەتەوە.
شایەنی باسە سەرلەبەیانی دوو شەممەی ڕابردوو، بومەلەرزەیەك بە گوڕی 7.7 پلە باشووری توركیا و باكووری سوریای هەژاند و بووە مایەی گیان لەدەستدانی هەزاران كەس و وێرانكردنی زۆرێك لە تەلار و باڵەخانەكان لەو دوو وڵاتە.
هەواڵە گرنگەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە