نێچیرڤان بارزانی سهرۆكى ههرێمى كوردستان پێشوازى له كونسوولى چیك كرد
پەیامی کورد ... نێچیرڤان بارزانی سهرۆكى ههرێمى كوردستان پێشوازى له كونسوولى چیك كرد
بهیانی ئهمڕۆ سێشهممه 2022/4/12 نێچیرڤان بارزانى، سهرۆكى ههرێمى كوردستان، پێشوازى له كارێل كۆرتانێك كونسوولى گشتی تازهى كۆمارى چیك له ههرێمى كوردستان كرد.
له دیدارێكدا سهرۆك نێچیرڤان بارزانى وێڕاى پیرۆزبایى بۆ دهستبهكاربوونى، هیواى سهركهوتنى بۆ خواست و ههموو هاریكارى و پشتگیرییهكى بۆ سهرخستنى ئهركهكهى دهربڕى و خواستى ههرێمى كوردستانى بۆ برهودان به پهیوهندییهكانى لهگهڵ كۆمارى چیك دووپات كردهوه، ههروهها سوپاسى پشتگیرى و یارمهتییهكانى كۆمارى چیكى بۆ ههرێمى كوردستان له شهڕى دژى داعش له چوارچێوهى هاوپهیمانی نێودهوڵهتیدا كرد.
لاى خۆیهوه كونسوولى گشتی تازهى كۆمارى چیك، وێڕاى دهربڕینى خۆشحاڵی خۆى به دهستبهكاربوونى له ههرێمى كوردستان، دووپاتى كردهوه كه ووڵاتهكهى به بایهخهوه له پهیوهندییهكانى لهگهڵ ههرێمى كوردستان دهڕوانێت و ههموو ههوڵهكانى دهخاته گهڕ بۆ برهودان به پهیوهندییهكان و فراوانكردنى بوارهكانى هاریكاری نێوانیان.
پهیوهندییهكانى ههولێر ـ بهغدا، پێكهوهژیان و لێبوردهیى له ههرێمى كوردستان، دهرفهتى كار و وهبهرهێنانى چیكى له ههرێمى كوردستان، دوایین پێشهاتهكانى دۆخى سیاسى له عیراق، دۆخى شهڕ له ئۆكراین و لێكهوتهكانى و پێشهاتهكانى ناوچهكه بهگشتى، تهوهرێكى دیكهى دیدارهكه بوو.
هەواڵە گرنگەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە