وەزیری بەرگری ئەمریکا لە سەر ڕۆڵی مێحوەری سێنتکام لە بەرەنگاربوونەوە لەگەل هەڕەشەکانی ئێران لە ناوچەکە جەخت دەکاتەوە

پەیامی کورد    ...    وەزیری بەرگری ئەمریکا لە سەر ڕۆڵی مێحوەری سێنتکام لە بەرەنگاربوونەوە لەگەل هەڕەشەکانی ئێران لە ناوچەکە جەخت دەکاتەوە

ئەمریکا بۆ کۆنترۆڵ کردنی چالاکییەکانی ئێران و پێشگرتن لە دەستڕاگەیشتنی ئەو بە چەکی ئەتۆمی ، لە نزیکەوە هاوکاری هاوپەیمانەکانی خۆی دەکات .

وەزیری بەرگری ویلایەتەیەکگرتووەکان دوێنێ هەینی جارێکی دیکە حکوومەتی ئێرانی هۆکاری ناسەقامگیری لە ناوچەی ڕۆژهەلاتی ناوەڕاست ناو برد و بە ئاماژەدان بە گەشەسەندنی بەرنامە ئەتۆمی و مووشەکی یەکەی تاران ووتی ئەمریکا بۆ کۆنترۆڵ کردنی چالاکییەکانی ئێران و پێشگرتن لە دەستڕاگەیشتنی بە چەکی ئەتۆمی لە نزیکەوە لەگەڵ هاوپەیمانەکانی خۆی هاوکاری دەکات .

لۆئید ئاستین لە ووتارێکدا لە مەراسیمی کۆتایی هاتنی کارەکانی ژەنەڕاڵ فرانک مەکێنزی سەرۆکی ناوەندی فەرماندەیی ئەرتەشی ئەمریکا لە ڕۆژهەڵاتی ناوەڕاست و باکووری ئەفریقیا و ناساندنی ژەنەڕاڵ مایکڵ ئێریک کۆریلا جێگرەکەی ئەو ووتی : ناوچەکە لە ژیر کۆنترۆڵی سێنتکام دایە کە ئێمە و شەریکەکانمان لەوێ لەگەل چالاکیگەلی ناسەقامگیرکەری ئێران و هۆکارگەلی ژێر پاڵپشتی ئەوان بەرەوڕوو دەبینەوە .

ئەو بە ووتنی ئەوەی کە سێنتکام لە دەستەبەری کردنی ئەمنییەتی ئەمریکا و هاوپەیمانەکانی پێگەیەکی مێحوەری هەیە ووتی : ئێمە لەم ناوچەیە لە جۆگەلەگەلیک پارێزگاری دەکەین کە تیجارەتی جیهانی تێیدا جەرەیانی هەیە جێگایەکە کە ئێمە هەر ڕۆژ لەگەڵ چاڵێنجگەلێکی کرداری هێرشبەرانەی ئێران و دەستدرێژییەکانی بەرەوڕووین ،

وەزیری بەرگری ئەمریکا ووتی : ئێران بەرنامەی ئەتۆمی خۆی پەرەپێداوە و سەرمایەگوزارییەکانی خۆی لە سەر تواناییە سەربازییەکانی زیاد کردووە بە تایبەتی لە واری مووشەکگەلی بالیستیک . ئێران کەسگەلی نیابی مەترسیداری درووست کردووە و کەڵک لە سیستەمگەلی ئاسمانی بێ فڕۆکەوان بۆ هەڕەشە کردن لە ئێمە و شەریکەکانمان وەردەگرێت