بڕیاری لە سێدارەدانی ٦ ژنی تورک لە لایەن دادگای عێراقییەوە

دادگای عێراق بڕیاری لەسێدارەدان بۆ شەش ژنی تورك دەردەكات كە تۆمەتباربوون بە ئەندامێتییان لە رێكخراوی تیرۆریستی داعش.
سەرچاوەیەك لە دادگای بەغدا ڕایگەیاند شەش ژنەكە تۆمەتی ئەندامێتی و پشتیوانیكردنی رێكخراوی تیرۆریستی داعشیان بەسەردا ساغ بۆتەوە و یەكێكی تریشیان سزای زیندانی هەتاهەتایی بۆ دەركراوە.
مانگی شوباتی رابردووش دادگای توركیا بڕیاری لەسێدارەدانی 15 هاووڵاتی دیكەی توركیا پەسەند كرد كە تۆمەتبار بوون بە ئەندامێتی لە ڕێكخراوی داعش و پێشتریش ژنێكی تورك بە 25 ساڵ زیندانی حوكم درا.
بەپێی زانیارییەكان نزیكەی 400 ژنی تورك و نزیكەی 200 منداڵ كە هەڵگری ناسنامەی توركین لە گرتووخانەكانی عێراقدا زندانیكراون.