لە نێوان شەڕڤانان و گرووپە چەکدارەکانی سەر بە تورکیا شەڕ و پێکدادان ڕوویدا

پەیامی کورد ...  بە پێی ڕاگەێندراوی ئەنجوومەنی سەربازی مێنبج شەڕ و پێکدادان لە نێوان شەڕڤانانی ئەنجومەنى سەربازی باب و گرووپە چەکدارەکانی نزیک لە تورکیا ڕوویدا، ئەوەش دوای ئەوەی شەڕڤانان هێرشیانکردە سەر دوو گوند.

بەپێی هەواڵی ئاژانسی فورات گرووپە چەکدارەکانی نریک لە تورکیا هێرشیان کردووەتە سەر گوندەکانى بۆغاز و بۆیهێج لە شارۆچکەى حەریمە لە ڕۆژهەڵاتى باب. 

هەروەها ئەم هێرشەی گرووپە چەکدارەکان لەلایەن شەڕڤانانی ئەنجومەنی سەربازی بابەوە تێکشکێندراوە و شەڕی قورس ڕوویداوە.

گرووپە چەکدارەکانی نزیک لە تورکیا ناو بە ناو هێرشدەکەنە سەر ئە ناوچە ئازادکراوانەی کە لە بن دەسەڵاتی هەسەدە و یەپەگەدایە، دوێنێش ناوه‌ندی ڕاگه‌یاندنی ئه‌نجومه‌نی سه‌ربازی مێنبج بڵاویکردەوە، گرووپە چەکدارەکانی نزیک لە دەوڵەتی تورکیا هێرشیان كردووه‌ته‌ سه‌ر شه‌ڕڤانانی ئه‌نجومه‌نی سه‌ربازی مێنبج له‌ گوندی عه‌ره‌ب حه‌سه‌ن كه‌ كه‌وتووه‌ته‌ باكووری ڕۆژئاوای شاره‌كه‌.