پۆلیسی هەولێر دوو کەسی بە تۆمەتی بەکارهێنانی ماددەی هۆشبەر دەستگیر کرد

پەیامی کورد … پۆلیسی هەولێر دوو کەسی بە تۆمەتی بەکارهێنانی ماددەی هۆشبەر دەستگیر کرد

بەرێوەبەرایەتی پۆلیسی پارێزگای هەولێر دەستگیرکردنی دوو کەسی بە تۆمەتی بەکارهێنانی ماددەی هۆشبەر راگەیاند.

ئەمڕۆ یەکشەممە 26/9/2021، پۆلیسی هەولێر لە هەژماری فەرمی خۆی لە تۆری کۆمەڵایەتیی (فەیسبووک) بڵاویکردووەتەوە: "بەشی پۆلیسی فریاکەوتنی هەولێر، لە گۆڕستانی شێخ ئەحمەد، دوو تۆمەتباریان بە ناوەکانی (ف، ل، ع) و (ع، ن، ع) بە تۆمەتی بەکارهێنانی ماددەی هۆشبەر و ماددە کحولییەکان دەستگیرکرد".

ئەوەش خراوەتە روو: "تۆمەتبارانی ئاماژەپێدراو، لە کاتی دەستگیرکردنیاندا دەست بەسەر بڕێک ماددەی هۆشبەر و ئۆتۆمبێلێکی جۆری BMWی بێ تابلۆدا گیرا".

پۆلیسی هەولێر ئاماژەشی بەوەداوە کە بە مەبەستی گرتنەبەری رێکاری یاسایی، تۆمەتباران رادەستی نووسینگەی نەهێشتنی تاوانی رۆژهەڵات کران.