لە سەر نۆرە شۆفێرێک بە چەقۆ شۆفێرێکی دیکەی کوشت

پەیامی کورد... لە سەر نۆرە شۆفێرێک بە چەقۆ شۆفێرێکی دیکەی کوشت

لە سنووری باشماخ لە نزیک شاری مەریوان، دوو شۆفێر لەسەر نۆرە بووەتە شەڕیان و لە ئاکامدا یەکێکیان کوژراوە.

ئەمڕۆ سێشەممە 31/10/2023، پۆلیسی شاری مەریوان لە ڕۆژهەڵاتی کوردستان، بە میدیاکانی ڕاگەیاندووە، دوو شۆفێری خەڵکی هەرێمی کوردستان لە سنووری باشماخ لەسەر نۆرەی ئۆتۆمبێلەکانیان بووەتە شەڕیان و لە ئاکامدا یەکێک لە شۆفێرەکان بە چەقۆ هێرشی کردووەتە سەر ئەوەی دیکە و کوشتوویەتی.

تەییب محەمەدی، فەرماندەی پۆلیسی شاری مەریوان، ڕایگەیاندوە: بەمەبەستی بەدواداچوون بۆ ئەم ڕووداوە تیمەکانمان چوونە سەر سنوور و بکوژ دەستبەسەر کراوە و ڕێکاری یاسایی دەگیرێتە بەر.