کاسبکارێکی خەڵکی بانە لەلایەن چەکدارانی ئێرانەوە کوژرا

پەیامی کورد ... کاسبکارێکی خەڵکی بانە لەلایەن چەکدارانی ئێرانەوە کوژرا

بەگوێرەی ڕاپۆرتیکی ڕێکخراوی هەنگاو، شەوی هەینی ٢٥ی شوباتی ٢٠٢٢، کاسبکارێکی خەڵکی گوندی «کەریم ئاوا» ی بانە بە ناوی سەعدی پیران ٣٥ ساڵە بە تەقەی ڕاستەوخۆی هێزەکانی سوپای پاسداران کوژرا.

هێزەکانی سوپای پاسداران لە سێ ڕێیانی «بۆین» و بەبێ هیچ ئاگادار کردنەوەیەک تەقەیان لە ئۆتۆمبێلی سەعیدی پیران کردووە و چەند گوللە بەر سەری کەوتووە.

بە پێی ڕاپۆرتەکە کە ئۆتۆمبێلی ئەم کاسبکارە کوردە هیچ بارێکی پێ نەبووە.

تەرمی سەعیدی پیران کە خێزاندار و باوکی دوو منداڵیشە ئەمڕۆ لە گوندەکەی خۆیان ئەسپەردەی خاک کرا.