برای ماریا سامی بە ١٥ ساڵ زیندانی سزا درا

پەیامی کورد... برای ماریا سامی بە ١٥ ساڵ زیندانی سزا درا


دادگەی هەولێر بڕیاری دا برای ماریا، کە تۆمەتبار بوو بە کوشتنی خوشکەکەی، ١٥ ساڵ زیندانی بکرێت.

ئەمڕۆ سێشەممە ٢٠/٩/٢٠٢٢، پارێزەری ئیمان سامی ناسراو بە (ماریا)، لە بەردەم دادگەی هەولێر ڕایگەیاند: "ئەنجام سامی، برای ماریا کە تۆمەتبار بوو بە کوشتنی خوشکەکەی، بڕیاری ١٥ ساڵ زیندانی بەسەردا سپێردرا، مامیشی کە لە کاتی ئەنجامدانی تاوانەکە لەگەڵی بوو و دەستگیر کرابوو، بڕیاری ئازادکردنی درا".

پارێزەرەکەی ماریا ئەوەشی خستە ڕوو، ئەنجامی برای ماریا، خۆی لە دادگە گوتی: "من خۆم ئەو تاوانەم کردووە، مامم هیچ ئاگادار نییە، هەروەها بەبێ ئاگایی و بە هۆکارێکی تر، تەنیا لەگەڵ خۆم بردووە بۆ لای ماریا، بەڵام ئەو کارەم کردووە".

گوتیشی: "ئێمە بە بڕیارەکەی دادگە ڕازی نین و لە ماوەی یاساییدا، تانە لە بڕیارەکە دەدەین".