وەزارەتی کارەبا ڕاگەێندراوێک بڵاو دەکاتەوە

وەزارەتی کارەبای ھەرێمی کوردستان رایگەیاند، بەگوێرەی خشتەیەک کار دەکەن بۆ باشترکردنی رەوشی کارەبا و دەبێت تەواوی بەڕێوبەرایەتییە گشتییەکانی کارەبا و وێستگەکانی بەرھەمھێنانی کارەبا پابەندی بڕیارەکانی کۆنترۆڵی ناوەندی وەزارەت بن، هەروەها ئامادەکاری کراوە بۆ پلانی دابەشکردنی کارەبا بۆ وەرزی زستان.

وەزارەتی کارەبا لە ڕاگەێندراوێکدا باسی لەوەشكردوە، "تەواوی بەڕێوبەرایەتییە گشتییەکانی کارەبا و وێستگەکانی بەرھەمھێنانی کارەبا پابەندی بڕیارەکانی کۆنترۆڵی ناوەندی وەزارەت بن، ھاوکات ئامادەکاریش بۆ دابینکردنی پێداویستییەکانی دابەشکردنی کارەبا بۆ وەرزی زستان لە مانگەکانی ١٢ی ٢٠٢١ و مانگەکانی ١ و ٢ی ٢٠٢٢ دەکرێت."
ئەوەش هاتووە، "ڕاپۆرتی داھاتی کارەبای شارەکان و سەرپێچییەکان ئامادە دەکرێت و ھەڵمەتی نەھێشتنی سەرپێچیش بەردەوام دەبێت و ڕێکاری یاسایی بەرانبەر سەرپێچیکاران دەگیرێتە بەر.

وەزارەتی کارەبای ھەرێمی کوردستان دەڵێت، بە کەمکردنەوەی ڕۆتین و دابینکردنی پێداویستییەکان، پڕۆژەی پێوەری زیرەک خێراتر دەکرێت و ژمارەیەکی زیاتر دەبەسترێت.